O artigo 69.1 da Lei de Bases de Réxime Local establece que “As Corporacións locais facilitarán a máis ampla información sobre a súa actividade e a participación dos cidadáns na vida pública local”. Por iso o sentido da existencia da emisora municipal é convertirse en ferramenta de comunicación, facer fluir o coñecemento, as ideas, as opinións, a diversidade dunha comunidade. Queremos recuperar a alegría do debate e da ironía. Porque os fluxos de información son esenciais para a democracia.

As oito desta tarde as candidaturas que solicitan o voto da cidadanía de Fene presentarán os seus programas e intencións. As persoas presentes no debate, no salón de plenos da Casa do Concello de Fene ou que o sigan a través da radio no 107.7 da Frecuencia Modulada, ou a través de Internet en www.radiofusion.eu sacarán logo as súas conclusións. Emitirán despois o seu voto o vindeiro domingo.