ACTUALIDADE
-
Novas
Novas sobre programas, emisoras,... Todo o mais actual e de interese nesta sección.
-
Radio á carta
Escoita online os podcasts dos teus programas favoritos de Radiofusion.
Praza Alcalde Ramón Souto s/n, 15500 Fene (A Coruña) Galicia - Tfno. 981 492 773 - noticias@radiofusion.eu
Facebook
Twitter
O Concello de Ordes segue a traballar no Ciclo de Cine Ambiental posto en marcha o pasado mes de decembro e que está dirixido aos centros de ensinanza do municipio. En concreto a iniciativa consiste en que o Concello pon a disposición dos centros educativos de Ordes unha serie de documentais que poden solicitar e proxectar nas súas instalacións.
Para o próximo mes de febreiro os centros educativos xa poden facer a súa solicitude, estando dispoñibles os documentais “La pesadilla de Darwin”, “Manual de uso para una nave espacial” e “Planeta Blanco”. O IES Nº1 de Ordes é un dos participantes nesta iniciativa tendo á súa disposición neste momento os documentais “La espalda del mundo” “La hora 11” e “Tierra” para proxectar aos seus alumnos.
Segundo palabras do concelleiro de Medio Ambiente, Xesús Pedreira, “O programa de ciclo ambiental que ofertamos dende a Concellería de Medio Ambiente pretende ser unha ferramenta pedagóxica de enorme eficacia para chegar fácilmente ao público, transmitir mensaxes de divulgación científica e ambiental e ofrecer unha oportunidade de reflexión sobre a corresponsabilidade de cada un de nós na adopción de conductas sostibles para a conservación do noso patrimonio natural”. Esta iniciativa que organiza o Concello de Ordes, conta tamén coa colaboración do Centro de Extensión Universitaria e Divulgación Ambiental de Galicia (CEIDA), quen facilita os dvd´s dos documentais ao Concello.