ACTUALIDADE
-
Novas
Novas sobre programas, emisoras,... Todo o mais actual e de interese nesta sección.
-
Radio á carta
Escoita online os podcasts dos teus programas favoritos de Radiofusion.
Praza Alcalde Ramón Souto s/n, 15500 Fene (A Coruña) Galicia - Tfno. 981 492 773 - noticias@radiofusion.eu
Facebook
Twitter
A carne de poldro é a raíña esta noite na parroquia fenesa de Magalofes. Se no ultimo domingo de agosto, os cabalos galopan na Festa do Cabalo que organiza a entidade veciñal do lugar, agora no outono, toca degustar a gorentosa carne de poldro como agasallo a quenes fan posible esa festa. Centos de persoas descubren o seu sabor esta noite con castañas asadas.
Ás 9 e ás 10,30 desta noite, en calquera das duas quendas, poderemos probar a carne de poldro – en filetes á prancha ou estofada- na parroquia fenesa de Magalofes. Carne de poldro acompañada de castañas, como antes de coñecerse as patacas que troixo Colón das Américas.
A degustación da carne de poldro que organiza a asociación veciñal de Magalofes, ten relñación coa Festa do Cabalo que celebran no ultimo domingo de agosto. Con esta cea a entidade organizadora agradece a colaboración de múltiples empresas e entidades que fan posible a celebración da Festa do Cabalo. Se multitudinaria é a do verán, non se queda atrás esta festa de outono. Nos ultimos anos decidíuse servir a carne de poldro e as castañas en dous turnos, o primeiro ás 9 e o segundo ás 10,30 da noite, porque son máis de 300 persoas as que se achegarán esta noite a Magalofes. O poldro degústase feito ao momento en directo, quentiño, con viño, castañas e bola doce de sobreprato.