A antiga fábrica da Rubber transformouse nun verquedoiro ilegal, segundo denuncia Podemos Fene. O recinto constitue unha afección por impacto paisaxístico e a degradación química parcial do material supon un grave risco medioambiental. Ao estar anexo a unha frondosa masa forestal, se se produce un incendio obrigaria a evacuar a todos os veciños do municipio por unha nube tóxica. O Concello de Fene remitiu a correspondente denuncia á Consellería de Medio Ambiente en maio do 2014. Gumersindo Galego respondía esta mañá que este é un tema recurrente e que o concello non ten nas súas mans a solución, senón a empresa propietaria do inmoble.

Á altura da Rubber están as curvas de Santa Ana onde onte se empezaron a colocar novos sinais de limitación de velocidade para evitar os accidentes, despois de que o goberno local enviase un informe de atestados da  sinistralidade rexistrada na estrada nacional. Segundo Galego, hai que agardar polo novo firme antideslizante, que estuda Carreteras.  Lavadoiros e fontes están a ser saneados tamén estes días así como o paseo Bieito Cupeiro. A punto de comenzar, segundo confirma Gumersindo Galego, están os aglomerados da baixada a Almieiras, camiño do Campanario, en Limodre; o de San Xiá ( de Fonte do Campo ao Sartego); a pista do Cemiterio municipal a Romariz; a auga na rúa A Unión de Maniños e o abastecemento na marxe dereita da Avda das Pías  en dirección a Ferrol.

Gumersindo Galego tivo a oportunidade de responder ás críticas da oposición en relación co calendario municipal e o contrato dunha persoa no gabinete de prensa. Afirmou que na portada do calendario quen sae é o Fenés do ano e el entregandolle o galardón. Sobre o gabinete de prensa afirma que non é derroche ningún e que ben se merece unha axuda.

O alcalde de Fene citou as grandes obras que ten pendentes de rematar, a catro meses do fín do mandato, citando a solución ao problema de anegamento do río Cádavo en Perlío, separar augas pluviais en San Valentín ou levar a  auga a Magalofes. Sobre isto último, Galego anunciou que xa está practicamente pechada a compra dos terreos onde ubicar os depósitos.

Pola contra, do que máis fachendoso está o alcalde é de ter executado máis de dous millóns de euros en obras. El mesmo denominouna a “lexislatura dos camiños e do pago de facturas” . Hoxe a demora de pago a proveedores en Fene está, segundo Galego, nos 38 días.

Gumersindo Galego declarou que en marzo dará a coñecer a candidatura do PP ás municipais, pero que non vai haber sorpresa ningunha, dando a entender que a lista será moi similar á actual.