Fugarolas tamén puntualizou que non ten nada que opinar sobre a posible decisión do BNG de apoiar o presuposto, xa que esta é “unha decisión interna da formación” e que “vai en consonancia co feito de que os nacionalistas respaldaran a investidura de Rodríguez como alcalde”.

Os populares recoñeceron a súa desconfianza sobre o cumprimento dos orzamentos porque, segundo salientan, “o equipo de goberno non cumpriu ningún dos acordos que se adoptaron nos plenos”.

Acusan, de feito, ao equipo de goberno de falta de transparencia en todos os seus ámbitos de actuación. Así, segundo establece Fungarolas, non lles foron facilitadas as contas das festas do pasado ano, pese a pedilas en dúas ocasións; como tampouco lle foi entregada documentación sobre obras ou proxectos que ten previsto acometer o Concello e que repetidamente solicitaron.