ACTUALIDADE
-
Novas
Novas sobre programas, emisoras,... Todo o mais actual e de interese nesta sección.
-
Radio á carta
Escoita online os podcasts dos teus programas favoritos de Radiofusion.
Praza Alcalde Ramón Souto s/n, 15500 Fene (A Coruña) Galicia - Tfno. 981 492 773 - noticias@radiofusion.eu
Facebook
Twitter
A Portavoz de Pesca do Grupo Parlamentario Socialista, Marisol Soneira, non permanece impasible ante as actuacións do goberno da Xunta, ao que acusa de improvisar e de carecer dun modelo no referente a este ámbito.
As accións levadas a cabo pola Conselleira do Mar non parecen convencer ao Partido Socialista de Galicia, quen critica duramente a súa política pesqueira e os recortes que neste sector se están a producir.
A ausencia de medidas de seguridade efectivas ante o crecente furtivismo das nosas costas, a búsqueda fallida de apoios en Europa, ou a dubidosa discriminación positiva á que se someten as mariscadoras de a pé, son algúns dos temas dos que esta mañá falou Marisol Soneira, Portavoz de Pesca do PSdeG, quen manifestou o seu descontento coa política da Xunta no ámbito da pesca e o marisqueo.
Soneira criticou duramente as medidas levadas a cabo pola Xunta este verán, entre as que destaca a reinstalación de especies de Zonas C a Zonas de tipo A, poñendo en dúbida a súa efectividade e o seu beneficio para o mariscador debido a alta mortaldade que sofren cos traslados.
A Portavoz do PSdeG tildou de esperpénticas estas actuacións, e asegurou que a solución radica no saneamento das rías, especialmente desas zonas C, pedindo ao goberno da Xunta seriedade no referente a este sector tan importante para a nosa comunidade.