ACTUALIDADE
-
Novas
Novas sobre programas, emisoras,... Todo o mais actual e de interese nesta sección.
-
Radio á carta
Escoita online os podcasts dos teus programas favoritos de Radiofusion.
Praza Alcalde Ramón Souto s/n, 15500 Fene (A Coruña) Galicia - Tfno. 981 492 773 - noticias@radiofusion.eu
Facebook
Twitter
O centro social de Boiro, acolle ata o día 30 de novembro, a Colección Mambruños, obra de Marcelino de Santiago Viquera, Kukas. Unha selección de 13 pinturas ao óleo e acrílico compoñen esta mostra, que brilla polo seu colorido e polas formas cheas de movemento. Destacan os cadros dos bailaríns, os das chalanas e tamén unha serie na que toman protagonismo elementos da natureza, como o millo ou as xunqueiras.
Kukas relata, a propósito da exposición, que de cativo viviu «nunha Galicia gris que o meu maxín convertía nun paraíso cheo de color cando xogaba cos mambruños, pequenos cartóns cheos de imaxes». Kukas fixo a súa primeira exposición aos 13 anos, e desde entón empregou todo tipo de técnicas e formas de expresión artística.
Ademais, desde hai máis de trinta anos dirixe a primeira compañía de teatro de monicreques galega contemporánea, Os Monicreques de Kukas, coa que ten levado as marionetas galegas desde Compostela ata países como Brasil, Grecia ou Xapón.