O programa comezará o mércores 18 de febreiro co relatorio, “Produción da horta na Mariña”, continuará o venres 20 coa mesa redonda “Momento actual no sector da horta”, e a charla “Medidas de acción positiva” pechará o mes de febreiro o 27. Marzo comezará cunha intervención sobre a “Fauna útil”, o día 4, o venres 6 versará sobre as “Plantas aromáticas e deshidratadas”, mentres o 14 haberá unha mesa redonda que toque o tema da “Produción da horta Asturiana”. Para a ponte de San Xosé, o 19 e 20 de marzo, haberá unha viaxe para coñecer a experiencia doutros produtores. O lugar aínda está por determinar. A asistencia non ten limitación vinculada aos profesionais do sector agrícola, polo que está aberto a todos os interesados.