ACTUALIDADE
-
Novas
Novas sobre programas, emisoras,... Todo o mais actual e de interese nesta sección.
-
Radio á carta
Escoita online os podcasts dos teus programas favoritos de Radiofusion.
Praza Alcalde Ramón Souto s/n, 15500 Fene (A Coruña) Galicia - Tfno. 981 492 773 - noticias@radiofusion.eu
Facebook
Twitter
A Cova Eirós (Triacastela, Lugo) conserva a única secuencia do Noroeste onde se pode estudar a transición entre os derradeiros neandertais e os primeiros humanos modernos. Esta é unha das primeiras conclusións do Grupo de Estudos para a Prehistoria do Noroeste da Universidade de Santiago de Compostela que están a realizar escavacións no lugar, xunto cun equipo do Institut Catalá de Paleocología Humana i Evolució Social de Tarragona.
As datacións realizadas nun nivel superior da cova indican a existencia dunha ocupación que se remonta a máis de 30.000 anos atrás, período no que os primeiros humanos modernos chegan ao continente europeo. O responsable da investigación, o profesor Ramón Fábregas, explicou en Radiofusión que en vindeiras intervencións agardan atopar materiais de decenas de miles de anos máis de antigüidade. Para iso utilizarán unha técnica diferente, a OSL, que permite as datacións nun marco cronolóxico máis amplo que o Carbono 14.
Os traballos desenvolvidos revelan a importancia deste xacemento para o estudo dos modos de vida dos neandertais no Paleolítico medio. As escavacións en Cova Eirós permitirán, polo tanto, compilar grande información sobre as súas estratexias de caza, a fabricación de ferramentas ou á súa esfera simbólica.