ACTUALIDADE
-
Novas
Novas sobre programas, emisoras,... Todo o mais actual e de interese nesta sección.
-
Radio á carta
Escoita online os podcasts dos teus programas favoritos de Radiofusion.
Praza Alcalde Ramón Souto s/n, 15500 Fene (A Coruña) Galicia - Tfno. 981 492 773 - noticias@radiofusion.eu
Facebook
Twitter
O concello de Ferrol deu hoxe luz verde ao inminente inicio das obras do primeiro tramo da rúa do Sol entre Roi Xordo e Terra, que motivarán cambios no tráfico no centro da cidade xa a partir de mañá martes. O goberno local de Ferrol aprobou o último trámite, a dirección da obra e a coordinación de seguridade e saúde da reurbanización da rúa do Sol.
A Policía de Ferrol lembra que a partir de mañá martes se restrinxe ao tráfico rodado o tramo do viario entre Roi Xordo e Terra, e que os itinerarios alternativos para a circulación de acceso ao centro da cidade serán: Avenida do Rei – Almendra (que cambia de sentido) – Terra; e a rúa Igrexa. Así mesmo, os residentes na zona afectada polas obras poderán circular por: rúa Lugo – María – Carme. Ademais, establécese o cambio de sentido da circulación na rúa Rubalcava, entre Real e Igrexa.
Esta primeira fase dos traballos na rúa Sol, que arrancan na xornada de mañá, ten unha previsión de duración de dous meses. A reurbanización completa do que é o principal viario de acceso ao centro da cidade ten un prazo de execución de cinco meses e ten un importe de preto de 800.000 euros.
Os traballos de mellora integral da rúa Sol inclúen a substitución do actual empedrado por un pavimento máis acorde coa circulación rodada que diariamente soporta este viario, así como a renovación da rede básica de servizos no último treito da rúa, entre Méndez Núñez e Atocha. Esta intervención se financiará con fondos europeos do Programa Urban.