Naquel momento Fene carecía de todo tipo de instalacións deportivas. Non había pistas de tenis, pavillón, piscina ou pistas polideportivas.

Tratábase dun evento sen precedentes en Galicia e que co paso do tempo, chegou a ser unha das manifestacións deportivas máis importantes do país, tanto polo número de participantes como pola súa organización e filosofía de fondo. Na primeira edición arredor de 700 nenos e nenas xogaron naquelas Olimpiadas, nas que se practicaba atletismo, natación, tenis, tenis de mesa, xadrez, piragüismo, iudo, tiro, baloncesto, fútbol sala, voleibol, balonmán, ciclismo e deportes autóctonos.