“Foi un partido trascendental para a permanencia” afirma o técnico do Maniños, Pablo Mesa. Un partido a vida ou morte que afrontaron ben cun dominio claro na primeira parte, ainda que baixaron o ritmo antes do descanso.

Na segunda metade o Maniños chegou a ter polo menos sete ocasións claras de gol e os cambios favoreceron o xogo. Pero sofriron ata o final. Chama a atención que os tres goles se fixeran en seis minutos. Tamén axudou a derrota do Sporting Ciudad.

O Pote estivo a reventar e iso axudou moito, en palabras de Pablo Mesa, quen agradece á afección os ánimos que lles dan para continuar e seguir na pelexa. “É un factor ao noso favor que pode afectar á consecución da permanencia” declarou o técnico do Maniños ao referirse aos afeccionados. Con optimismo encara o Maniños a recta final.