ACTUALIDADE
-
Novas
Novas sobre programas, emisoras,... Todo o mais actual e de interese nesta sección.
-
Radio á carta
Escoita online os podcasts dos teus programas favoritos de Radiofusion.
Praza Alcalde Ramón Souto s/n, 15500 Fene (A Coruña) Galicia - Tfno. 981 492 773 - noticias@radiofusion.eu
Facebook
Twitter
Os deputados do Bloque Nacionalista Galego protestaron esta mañá no exterior do Pazo do Hórreo. "Amordazando á oposición estase a amordazar á sociedade, impídese exercer o control do executivo autonómico" afirmou no Parlamento Francisco Jorquera. Xosé Manuel Beiras tamén expresou a súa protesta polo recurte ás posibilidades de intervención de AGE e BNG e abandonou o pleno da cámara autónoma.
Nada máis dar comezo o primeiro pleno do novo período de sesións, o propio Jorquera pediu a palabra por unha cuestión de orde para facer constar a súa protesta por unha decisión «discrecional e discriminatoria» que, ao seu xuízo, «vulnera ou pluralismo» no hemiciclo.
Tamén o portavoz de Alternativa Galega de Esquerda, Xosé Manuel Beiras, pediu a palabra polo mesmo asunto «para corroborar o que dí o señor Jorquera», aínda que no seu caso a presidenta, Pilar Rojo, retiroulle a palabra, o que irritou a Beiras, que se gañou unha amoestación antes de abandonar voluntariamente o hemiciclo.