As intoxicacións etílicas entre os máis novos reducíronse un 11 por cento en Galicia en 2011, o que supón un total de 70 urxencias menos atendidas polo servizo do 061 respecto ao ano 2010. Así o anunciou o director xeral de Xestión da Saúde Pública, Manuel Varela, quen sinalou que 6 de cada 1.000 mozos galegos entre os 12 e os 24 anos sufriron unha intoxicación etílica. Ademais, arredor de 200 rapaces foron sancionados por consumir ou mercar alcol e case 60 establecementos por vendelo.

Varela alerta da baixa percepción de risco que aínda existe entre os mozos sobreo o alcol, xa que o 47 por cento dos alumnos de secundaria non cre que tomar cinco ou seis copas supoña un risco importante.