O esforzo financieiro para os máis novos minguou un 2,8 por cento, pero fíxoo pola baixada dos tipos e do prezo da vivenda, que foi coincidir cunha conxuntura laboral moi negativa. Segundo o Observatorio Xoven da Vivienda para que unha persoa nova puidese adquirir unha vivenda libre sen endebedarse por enriba do 30% da súa renda, esta vivenda non podería pasar dos 35 metros cadrados construídos. Azucena Rodríguez salientou que as condicións tampouco melloran no caso do aluguer, pois a superficie do piso non excedería os 45 metros. Así as cousas, a representane do CXG demanda medidas para axeitar os niveis salariais e do mercado inmobiliario.

Verbo das medidas decretadas pola Xunta para eliminar o pagamento de taxas relacionadas coa adquisición de vivenda libre, e que suporían un aforro medio de 7.000 euros para os menores de 35 anos, Rodríguez saúda a iniciativa, pero apunta que é insuficiente e que hai que aspirar a ir máis aló na axuda á emancipación da mocidade.