ACTUALIDADE
-
Novas
Novas sobre programas, emisoras,... Todo o mais actual e de interese nesta sección.
-
Radio á carta
Escoita online os podcasts dos teus programas favoritos de Radiofusion.
Praza Alcalde Ramón Souto s/n, 15500 Fene (A Coruña) Galicia - Tfno. 981 492 773 - noticias@radiofusion.eu
Facebook
Twitter
O senador do BNG, Xosé Manuel Pérez Bouza, rexistrou onte unha iniciativa parlamentaria na Cámara Alta para preguntarlle a Renfe por qué razón non incluíu a Lugo na promoción denominada “100 Escapadas”, consistente nunha oferta combinada de billete de tren e hotel, cando Lugo conta cunha abundante oferta turística.
Pérez Bouza explicou que o pasado 9 de Xullo Renfe lanzou unha campaña de ofertas a distintas cidades do Estado, e que inclúe a cidades galegas como A Coruña, Vigo, Pontevedra e Santiago de Compostela. Esta iniciativa contempla viaxes con orixe ou destino Madrid desde Galicia, conexións que realiza o Talgo diurno ou o tren hotel de noite.
Neste sentido, o representante nacionalista lembra á compañía ferroviaria que “o tren hotel que viaxa de noite realiza paradas en Lugo”, de aí que tamén se puidese incluir na promoción da compañía ferroviaria.
O parlamentario demandou mais información sobre os criterios seguidos por Renfe á hora de seleccionar as cidades que se benefician destas ofertas, para explicar a exclusión de Lugo
Necesidade de potenciar o turismo de interior
“Non cre Renfe que con este sistema se promociona unicamente o turismo de costa en detrimento do denominado turismo de interior que precisa dunha maior potenciación? Non considera que sería necesaria unha campaña para incentivar e promocionar o turismo de interior que ofrece igualmente una grande diversidade de oferta cultural, paisaxística, natural ou patrimonial?”, son algunhas das cuestións que o senador dirixe ao Goberno, a quen lle demanda unha campaña de promoción dos destinos de interior.