A que é unha das citas de referencia para os amantes da música “indie” dun e doutro lado da raia principia ás sete desta tarde na praia fluvial do Tabuao. O abono para os catro días de música en directo pódese adquirir ao prezo de 73 euros. A entrada tan só para esta xornada inaugural despáchase por 28 euros, mentres que o pase individual para cada unha das xornadas restantes fixouse en 43 euros.

Ademais dos grupos principais, a oferta complétase con outros nomes célebres do panorama alternativo, entre os que sobrancean Jarvis Cocker, ex líder de Pulp; Supergrass, un dos supervivintes máis en forma do fenómeno brit-pop; Peaches, coa súa electrónica perturbadora; The Horrors, combo rockeiro autor dun dos álbumes máis celebrados da tempada; e, directamente dende os Estados Unidos, The Pains of Beign Pure at Heart, un dos debús do ano, que co seu pop naïf saturado de distorsión estanse a convertir nun dos favoritos de público e crítica especializada.