Por teléfono, por correo electrónico, na páxina web. Por calquera deses medios venden conservas de produtos do mar. Pero a maior parte da venda realízana a través de maioristas a fora de Galicia. Recoñecen que a venda en liña medrou moito a raíz da pandemia. O bonito, a ventrecha, o atún, son as estrelas de La Pureza. Bonito, atún, sardiña, cabala, xurelo, congro, maruca, mexillón. Ofrecen todo tipo de conservas de peixe, segundo Ana Docanto. Agora ademais dos produtos do mar, veñen de adentrarse tamén na horta, no mundo das conservas vexetais. 
"Haberá que esperar semanas para poder avaliar o funcionamento da tenda enliña de conservas vexetais" indica a xerente da empresa . A Pureza a veces ten problemas para o envío de palés de latas. Traballan con varios transportistas pero Cariño se atopa lonxe de moitos lugares e o transporte terrestre é difícil. A fábrica de conservas A Pureza está a piques de cumprir un século. Vicente Docanto Martinez creou a empresa en Cariño en 1924. A marca goza dunha gran reputación pola súa calidade, sobre todo por envasar produtos de primeira e continuar utilizando métodos de elaboración artesanal. A empresa factura máis dun millón de euros e da traballo a unhas vinte persoas do municipio, a maioría mulleres. Leva as súas latas de conserva a toda Europa.