Balbina ten 80 anos. Naceu na Coruña e comezou traballar aos 17 nas Galerías María Pita. O 20 de xaneiro de 1963. Despois incorporouse á acreditada Xoiería Malde, onde botou dez anos, antes de sacar as oposicións do Ministerio de Xustiza. Nai dunha filla e un fillo, Balbina pertence a unha saga de mulleres afeitas a traballar fóra da casa. “En cuestión laboral de mulleres podo remontarme a finais do século XIX. Tiven una bisavoa era cigarreira. Vivían en Pastoriza e ía ata a Fábrica de Tabacos, na Palloza, andando descalciña cun mantonciño cando chovía no inverno”. Súa avoa Balbina tivo unha casa de comidas. Ela axudou economicamente na casa, cando súa nai quedou viúva cunha pensión pequena e dúas fillas que sacar adiante. Formou a súa familia en Ferroltera. Seu home traballou en Astano. Hoxe aproveita o tempo libre asistindo a moitas actividades, como os Seráns Activos do Concello de Fene. En todas, a maioría son mulleres, asegura.