O Pleno da Corporación, igualmente por unanimidade, pide o mantenemento das funcións do Rexistro civil no Xulgado de Paz de Fene.  A iniciativa do BNG denuncia que os certificados de nacemento, defunción e matrimonio haberá que pedilos desde o quince de xuño no rexistrador da propiedade de Pontedeume. Pasará a ser o xulgado unicamente unha oficina de consulta. Os nacionalistas indican que se pretende privatizar un servizo público, universal e gratuito. Para o Bloque, cédese a unha oficina privada unha parte da historia da localidade.