“Como se fora un Facebook da época”. Así describe a nova ferramenta sobre os trobadores e xogares. Contén “información literaria, histórica e biográfica, pero o realmente interesante é que permite visualizar as conexións que había entre eles, un grande avance que contribúe a ampliar o coñecemento dos autores”. A doutora Déborah González, dirixiu a creación dun portal web centrado nas redes socioculturais da lírica galego-portuguesa. A información está na páxina redesliricas.usc.gal. Coa vista posta nun futuro próximo, Iago anunciounos que a Policía Nacional ten a punto o DNI dixital que nos permitirá levar o documento de identidade no teléfono. Igual que o carne de conducir ou as tarxetas do banco, pronto poderemos levar o DNI no móbil e servirá en toda a Unión Europea. Tamén nos contou os últimos avances do proxecto de conexión a internet vía satélite Starlink, “moi interesante para persoas que poden quedar sen servizo cando apague o ADSL”.