ACTUALIDADE
-
Novas
Novas sobre programas, emisoras,... Todo o mais actual e de interese nesta sección.
-
Radio á carta
Escoita online os podcasts dos teus programas favoritos de Radiofusion.
Praza Alcalde Ramón Souto s/n, 15500 Fene (A Coruña) Galicia - Tfno. 981 492 773 - noticias@radiofusion.eu
Facebook
Twitter
O Concello de Fene informa do inicio das obras de renovación do firme da rúa Xunqueira en Perlío. A actuación en marcha contempla tamén completar a reurbanización da marxe esquerda da Avenida Marqués de Figueroa.
O Concello de Fene iniciou esta mañá as obras de renovación do firme da rúa Xunqueira, un treito de 190 metros de lonxitude comprendido entre as rúas Peirao e Hortelá ata o cruce coa estrada AC133. Así mesmo, a intervención contempla tamén completar a reurbanización da marxe esquerda da Avenida Marqués de Figueroa, co acondicionamento das beirarrúas.
As actuacións contan cun orzamento de 106.216,42 euros a financiar con cargo ao POS+2018. As obras en curso contemplan a pavimentación da rúa e construción dunha nova beirarrúa con materiais táctiles nos percorridos dos pasos de peóns sobreelevados, así como traballos de sinalización.
Na Avenida Marqués de Figueroa as obras inclúen a construción de beirarrúas con baldosas de formigón e materiais táctiles no percorrido do paso de peóns, instalación de dous novos puntos de luz con tecnoloxía LED, colocación de alcorques e instalación dun suxeita- colector de aceiro inoxidable.
Publica o teu comentario agora