ACTUALIDADE
-
Novas
Novas sobre programas, emisoras,... Todo o mais actual e de interese nesta sección.
-
Radio á carta
Escoita online os podcasts dos teus programas favoritos de Radiofusion.
Praza Alcalde Ramón Souto s/n, 15500 Fene (A Coruña) Galicia - Tfno. 981 492 773 - noticias@radiofusion.eu
Facebook
Twitter
O Centro Cultural Torrente Ballester acollemañá martes a presentación de catro dos últimos libros da colección relativa aos bens incluídos na Candidatura de “Ferrol da Ilustración” a Patrimonio Mundial. Trátase de catro exemplares que foron editados nos últimos anos e que aínda non foran presentados públicamente. Cada unha das publicación evalúa o valor hist&oa
En cada volume realízase a identificación, localización, descripción e valoración dos bens culturais inmobles, incluíndo referencias documentais, artísticas, bibliográficas, etc. e faise un estudo‐proposta para a súa xestión. Estes catro libros completan unha serie de dez publicacións coas que se pretende divulgar as investigacións realizadas e completar os traballos esixidos pola Unesco para a citada candidatura, incluida na lista tentativa deste organismo internacional dende o mes de abril de 2007.
A Confederación de Empresarios de Ferrolterra, no labor asumido nos últimos meses de retomar e dar un novo pulo á candidatura, co respaldo do Concello de Ferrol, entende que é preciso dar a coñecer estes volumes, elaborados polos técnicos do Ciefal (Centro Internacional de Estudios de la Fortificación y Apoyo Logístico), e co respaldo institucional da Deputación Provincial, así como da Fundación Ferrol Metrópoli.
Este acto de presentación de libros acto pretende tamén render tributo ao Mestre Industrial Delineante, Alfonso Fuentes Martínez, quen durante todo o tempo en que se realizaron os estudos relativos á candidatura a Patrimonio Mundial entregouse de cheo á tarefa de realizar os levantamentos topográficos dos bens incluídos na Candidatura, entre eles o Castelo de San Felipe, o Dique da Cabana, o Baluarte de San Xoan, as baterías da marxe sur da Ría de Ferrol.
Fuentes Martínez, exerceu como mestre dende o ano 1979, primeiro no Centro de FP de Mestría Industrial, e despois no CIFP Rodolfo Ucha, abranguendo todas as ramas da delineación: industrial, construcción, maquetismo e topografía, chegando a ser xefe do departamento de delineación deste centro educativo.
Ao longo da súa carreira profesional, Alfonso Fuentes colaborou tamén coa Xunta de Galicia e con concellos da nosa comunidade autónoma en traballos de levantamento topográfico de importantes bens patrimoniais. Foi precisamente nun deses traballos cando sufriu un infarto que non logrou superar.