Así mesmo, o requerimento ten en conta que o Concello de Fene facilita o uso das súas instalacións e comprométese a darlle publicidade a exposición por medio de saúdas, difusión en prensa, etc., polo que podería incorrer na colaboración cun presunto delito. Por último, e respeto aos criterios de cesión do espazo, cuestionados nos últimos días en redes sociais, dende a dirección do Museo do Humor quérese aclarar que no caso da cesión da sala de exposicións para a realización de exposicións a cargo de persoas particulares, dende o Departamento de Cultura non se seguen criterios artísticos. Partindo da consideración de que a sala é un espazo público no que a veciñanza e os artistas emerxentes poden someter a súa obra a xuízo do público e á crítica colectiva, non se entra nin nos contidos nin nas técnicas empregadas. Só na salvagarda dos dereitos cívicos. Así mesmo, apúntase que o criterio que se sigue para a cesión da sala de exposicións temporais a persoas particulares é a orde de rexistro no Rexistro Xeral do Concello de Fene. De igual xeito, un/ha artista só poderá volver expoñer nesta sala de exposicións logo de dous anos dende a súa última exposición.