O presidente da Asociación de Amigos do Ferrocarril Manuel del Río anunciaba esta mañán en Radio Fene a xuntanza que manterán nos próximos dias os alcaldes dos concellos participantes, entre Ferrol e Betanzos, co Director Xeral de Mobilidade da Xunta de Galicia, Miguel Rodríguez Bugarín, para coordenar as accións deste ano e coñecer a aportación que a Xunta vai prestar ao Centenario.

O que de momento está pechado con respecto aos actos do aniversario no mes de Maio do 2013 é unha grande exposición sobre o acontecemento da inauguración da via férrea entre Betanzos e Ferrol, que se instalará na Feira de Mostras. Sen confirmar aínda está a intención de que o Rei Juan Carlos acuda a ese acontecemento do Centenario.

Nos próximos meses continuarán os actos previos ao Centenario, con mesas redondas, exposicións e musica, que itinerarán polos concellos implicados, Betanzos, Paderne, Miño, Pontedeume, Cabanas, Fene, Neda, Narón e Ferrol.