ACTUALIDADE
-
Novas
Novas sobre programas, emisoras,... Todo o mais actual e de interese nesta sección.
-
Radio á carta
Escoita online os podcasts dos teus programas favoritos de Radiofusion.
Praza Alcalde Ramón Souto s/n, 15500 Fene (A Coruña) Galicia - Tfno. 981 492 773 - noticias@radiofusion.eu
Facebook
Twitter
Moita ironía, retranca, retrónica, trasacordo e rexouba hai nesta obra. Son as cinco variantes do humor galego, segundo Xosé Lois O Carrabouxo. "Todo espido desmerece" afirma con ironía Manuel Gago na súa novela “Nus”, unha obra que relata a ocupación da praia do castro de Baroña por unha grea de nudistas a principios dos oitenta. Están dispostos a todo para manteren os seus coiros ao sol.
A novela publicada por Xerais (2021) provoca sorrisos e incluso gargalladas limpas. Aparecen compartindo un xantar Cunqueiro e Castroviejo e mesturase na trama a gastronomía e o sexo. “O amor celébrase mellor cando a comida é feliz e abundante. (…) O sexo continua tras o pracer de xantar, como unha segunda sobremesa” afirma o narrador, Toño Figueroa, descendente da última aristocracia do pais. Manuel Gago contou en Radio Fene unha anécdota relacionada co nudismo. Pasoulle a Pio Cabanillas e a Manuel Fraga na zona do Salnés.
Toño Figueroa é un crápula, cínico e desvergonzado, pero pouco a pouco vai xerando empatía coa persoa lectora. Hai ademais dúas personaxes en “Nus” que xa apareceran na súa novela anterior “O anxo negro".
O coirismo era unha loita deliciosamente epidérmica afirmase na novela escrita polo profesor de Comunicación da Universidade de Santiago que xa ten publicado os libros de ficción Vento e chuvia (2013), O anxo negro (2016) e O exército de fume (2018). Mantén o blog Capítulo Cero www.capitulocero.org
A Manuel Gago interésalle a gastronomía, a arqueoloxía, o sexo e aspectos da historia contemporánea de Galicia. Interésanlle cousas moi diferentes.
“Mirádevos, facédeme o favor. Nas mozas aínda ben, aí tedes a Lola, con eses xenerosos peitos de Venus prehistórica, e a Carmiña, toda ela fecundas cadeiras de egua árabe! Pero que hai de fermoso no corpo dun home coma nós, que non é máis ca unha acumulación de residuos de lacón con grelos e de ribeiro tinto! O último home merecente de amosar as vergoñas foi o David de Michelangelo!"
O escritor Manuel Gago e o narrador Toño Figueroa rinse de si mesmos con párrafos como este na novela “Nus”.
Fotografía: Xan Xe Corral
Publica o teu comentario agora