The Boss chegou a Compostela ás seis e media da tarde procedente de Valladolid nun avión privado. O concerto encheuse con 40.000 persoas procedentes de toda a península. Bruce Springsteen xa ofreceu un concerto no Monte do Gozo de Santiago de Compostela hai 16 anos, en 1993. Esta noite corroborou a súa traxectoria última de comezar as actuacións con cancións tradicionais do lugar. Fixoo así en Bilbao (Desde Santurce a Bilbao) Barcelona (sardana) Sevilla (sevillana) Tenerife (isa) Zaragoza (jota) e Madrid (La revoltosa).

Desorganización na entrada

O acceso ao Monte do Gozo xenerou numerosas protestas diante da escasa axilidade coa que se podía entrar no recinto.  Boa parte do público aturou horas de colas e se escoitaron berros de Organización, dimisión. Antes das 10 da noite as portas se abriron e moitos dos asistentes entraron no auditorio sen ningún tipo de control. En cambio, ducias de persoas que sí pasaran por taquilla tiveron que quedar fora do concerto ao cubrirse as prazas existentes. Afirmaban que a organización non lles deu ningún tipo de explicación.