ACTUALIDADE
-
Novas
Novas sobre programas, emisoras,... Todo o mais actual e de interese nesta sección.
-
Radio á carta
Escoita online os podcasts dos teus programas favoritos de Radiofusion.
Praza Alcalde Ramón Souto s/n, 15500 Fene (A Coruña) Galicia - Tfno. 981 492 773 - noticias@radiofusion.eu
Facebook
Twitter
O pobo de Ribadeo apoiou as teses de defensa do litoral da Organización Ecoloxista Adega. O referendo popular organizado por esta asociación polo Día da Terra amosou un apoio case unánime, xa que das 103 papeletas emitidas, 102 foron a favor da costa conservada e só unha a prol da costa urbanizada.
Esta non foi a única acción desenrolada por Adega na vila lucense. A través dun mural fotográfico colocado no parque municipal ribadense retratáronse varios exemplos da actual situación dalgúns puntos do litoral, co obxectivo de amosar e concienciar sobre o problema da excesiva urbanización e deterioro da costa mariñá.
Desde Adega amosaron a súa satisfacción polo éxito destas dúas iniciativas, xa que o claro triunfo no seu referendo popular deixou unha opinión implícita da xente da costa lucense, que é “que a cidadanía do litoral quere que as súas costas se conserven e se protexan fronte a especulación, a urbanización ilegal ou desmesurada e as infraestruturas innecesarias”. Esta institución ecoloxista trasladará esta mensaxe ás autoridades competentes na ordenación do litoral galego.