“As centrais de ADSL teñen os días contados. En Fene, as que dan servizo a Vilar do Colo e Maniños en outubro do ano que vén e o entorno da área urbana en maio de 2025, todas teñen que estar transformadas a fibra”. 

“Comparándonos con Europa imos moi ben” na extensión de redes de alta velocidade. O Goberno fixo os deberes con subvencións ás empresas e “iso facilita a extensión da fibra óptica no rural”. Se non tiveran axudas, ás empresas non lles sairía a conta. “No noso rural o principal problema é a dispersión”, lembra o especialista. “Hai casos como no veciño concello de Cabanas no que a fibra chegou antes á zona rural por estas axudas que ao urbano onde as operadoras despregan polos seus medios”. O Goberno acaba de adxudicar o Terceiro Plan Único de alta velocidade, financiado con fondos Next Generation. Na provincia da Coruña a empresa Rede Aberta será a encargada de dar servizo a preto de 9.000 vivendas da Coruña. “Un empurrón moi necesario polo inminente peche das centrais ADSL”.