ACTUALIDADE
-
Novas
Novas sobre programas, emisoras,... Todo o mais actual e de interese nesta sección.
-
Radio á carta
Escoita online os podcasts dos teus programas favoritos de Radiofusion.
Praza Alcalde Ramón Souto s/n, 15500 Fene (A Coruña) Galicia - Tfno. 981 492 773 - noticias@radiofusion.eu
Facebook
Twitter
Fene ten o Mellor Mural do Mundo e o artista que o pintou, Hugo Lomas, Sfhir, vai recibir este martes o seu premio nun acto na rúa da Fraga, diante do edificio que lle serviu de lenzo ao artista urbano, segundo anunciou en Radio Fene a concelleira de Promoción Económica, Ángeles Coira.
Nun acto público que se celebrará este martes, ás seis da tarde, terá lugar a entrega do premio que acredita a Sfhir como autor do Mellor Mural do Mundo 2023. “Esperamos que o tempo acompañe”, desexou a concelleira. Representantes da plataforma Street Art Cities viaxarán a Fene para facer entrega do galardón ao artista urbano madrileño. A muller que toca o violoncello na parede do edificio número 64 da rúa da Fraga é hoxe un reclamo para Fene, como recoñeceu Ángeles Coira, que destacou o éxito da organización do Perla Mural Fest na súa primeira edición e garantiu que o Concello volverá apoiar este ano a iniciativa en lembranza da icónica sala Perla.
Publica o teu comentario agora