Como as orquestra no veran custan moitos cartos, a comisión organiza no mes de marzo unha populosa cea-baile que celebrarán en Casa Peizás na Capela porque nos restaurantes de Fene non teñen cabida para tantos comensais, segundo explicou Xosé Sardiña. A comisión de festas de Sillobre vende tamén unha rifa co mesmo obxectivo e que venden a un euro.

Paralelamente a parroquia de Sillobre prepara a segunda edición do Encontro de Lavandeiras que queren mellorar con respecto ao ano pasado. Amáis da recreación do proceso de lavado, queren ampliar os actos ao longo de toda a xornada e entre outras propostas barallan unha visita á fervenza do Belelle ou un xantar popular no adro da igrexa. A xornada celebraráse o sábado nove de maio.