Ao parecer o vehículo portaba electrodomésticos cualificados por Sogama como “non aptos” para a pranta. Dende a Concellería de Servizos denuncian que a empresa está aplicando anticipadamente un novo regulamento sobre a recollida selectiva de enseres -que entrará en vigor a comezos do mes de setembro- e aseguran que denunciarán o caso perante a Xunta de Galicia.

Ademais piden paciencia aos veciños/as de Fene que estes días están a demandar a recollida dalgún voluminoso. Segundo asegurou a Radiofusión o concelleiro responsable desta área, por mor do incidente con Sogama, o servizo está paralizado nestes momentos á espera de que o Concello atope algunha solución.