Todas estas medidas son consecuencia, segundo os representantes laborais, da eliminación da paga extra por parte do goberno central pero critican que dende o goberno local de Fene non se fixera ningunha xestión   en defensa dos traballadores e se buscara unha fórmula para recuperar ese diñeiro como fixeron outros concellos.

Os traballadores e traballadoras do concello de Fene deixan de percibir polo concepto da paga extra uns 120.000 € que seguro repercutirán negativamente na economía local. Juan Manuel Dobarro, representante de CCOO, afirmaba que será un nadal penoso. O paradóxico é que as pagas extra dos traballadores-as municipais foron parar ao banco e só no banco van repercutir , non noutras causas solidarias, en palabras do presidente do comité de empresa, Xesús Sánchez Cea.

Un pleno extraordinario despois do Nadal celebrará a corporación de Fene. O mércores 26 de decembro ás 9 da mañá reunirase para debater dous asuntos: o límite de gasto non financieiro para o 2013 e en segundo lugar o Plan de Obras e servicios da deputación da Coruña, correspondente ao ano 2013.