Talento, desgarro e intensidade aporta Silvia Pérez Cruz ao tema “Maneo de Cambre” incluído no primeiro album do dúo Caamaño e Ameixeiras Aire. Co acordeón e co violín queren animar a bailar muiñeira ou xota, pezas tradicionais coas que se pode manter a distancia tan recomendada nesta época Covid. A colaboración de Silvia demostra todo o seu talento e xenerosidade segundo Antía Ameixeiras. “Coñecémola no verán de 2019 nuns Encontros de música ibérica en Catalunya. "Díxonos que tiña unha avoa galega e houbo certa conexión". Despois diso, Antía e Sabela lanzáronse e  enviáronlle unha mensaxe e xa aceptou colaborar no Maneo de Cambre, "un auténtico regalazo". Unha voz propia arranxando pezas de raíz pero cun son particular. Achéganse á música tradicional desde unha mirada respectuosa, indica Sabela Caamaño.