A problemática do sector naval chegou este mediodia a Santiago de Compostela. Arredor de 4.000 traballadores dos estaleiros participaron na marcha entre o estadio de San Lázaro e os edificios administrativos de San Caetano. Os comités de empresa reiteráronlle ao conselleiro de Industria Javier Guerra a necesidade imperiosa de carga de traballo. 70 autobuses traen a esta hora de volta aos empregados que participaron nesta movilización coa que concluiu a marcha a pé entre A Coruña e Santiago de Compostela que iniciaron o martes os delegados sindicais. Se non hai solucións, os empregados do naval participarán nunha marcha a Madrid.