ACTUALIDADE
-
Novas
Novas sobre programas, emisoras,... Todo o mais actual e de interese nesta sección.
-
Radio á carta
Escoita online os podcasts dos teus programas favoritos de Radiofusion.
Praza Alcalde Ramón Souto s/n, 15500 Fene (A Coruña) Galicia - Tfno. 981 492 773 - noticias@radiofusion.eu
Facebook
Twitter
Rexeitar a intransixencia amosada pola Consellaría de Sanidade na negociación da carreira profesional. Con este fin concentrábanse esta mañá máis de 300 traballadores/as do Sergas do Hospital Arquitecto Marcide de Ferrol. Na protesta participaron persoal deste complexo hospitalario, do Hospital de Defensa e de atención primaria.
Os sindicatos CC.OO, CESM, CSIF, Sae, UXT e CIG-Saúde denuncian que o único servizo de saúde de España que non ten desenvolvido o réxime ordinario de carreira profesional para os seus empregados é o do Sergas.
O Goberno Central esgrime que non pode asumir ese custo. Destes xeito, os sanitarios do Sergas non gozan do dereito a unha carreira digna acorde co resto de carreiras negociadas e implantadas noutras Comunidades Autónomas.
Segundo o conxunto de sindicatos, os profesionais da saúde necesitan actualizar permanentemente os seus coñecementos. Unha cuestión xunto ao acceso a unha carreira profesional digna, incide negativamente na calidade de asistencia aos pacientes.
As organizacións sindicais esixen á Consellaría de Sanidade a inmediata convocatoria da Mesa Sectorial para negociar un modelo de carreira profesional xusta. No caso de que non se atendan estas demandas os sindicatos anuncian mobilizacións.