Segundo indicaron fontes do Servizo de Emerxencias-112 Galicia, os feitos tiveron lugar no campo de fútbol de Limodre, en Fene. Estes servizos de emerxencias recibiron a chamada de aviso sobre as 19.25 horas e ao lugar desprazouse unha ambulancia do Urxencias Sanitarias-061 e a Garda Civil.

Pola súa banda, a Benemérita indicou a Europa Press que aínda se descoñecen as causas do seu falecemento, pero explicaron que o home sufriu "mareos" ao acabar de xogar e "caeu desplomado na banda".

No campo de fútbol de Limodre hai tempo que non se realizan competicións oficiais. Utilizan o terreo de xogo equipos da comarca para os seus adestramentos e tamén grupos de xovenes que disputan partidos amigables.