Yorkshire terrier, caniche, bichón maltés e, sobre todo mestizos, son as razas favoritas en Fene, onde tamén se detecta o aumento no número de mascotas. Segundo un recente informe, o ano pasado había en España 29 millóns de mascotas. Máis de 9 millóns eran cans. Nos coidados que precisan os cans é experta Goti. “Instaleime en Fene porque son de Barallobre e estamos a ter moi boa acollida, xa temos clientes habituais”, indica. Como boa amante dos animais, móstrase moi comprensiva cos animais e o estres que lles supón acudir a unha sesión de baño ou corte de pelo. 

 “O que máis nos piden os clientes é o corte de pelo, aquí ofrecemos cortes, baños, distintas técnicas de perruquería, tamén temos produtos de alimentación e accesorios”, explica. Deixar listo a un can pode levar ata tres ou catro horas de traballo. E como cada can é un mundo, as tarifas varían. Os clientes habituais poden beneficiarse de bonos, informa Andrea Goti, satisfeita porque xa son moitas as persoas que vén ás mascotas como un membro máis da familia