Coa habilitación desta nova zona completarase a infraestrutura deportiva cun lugar onde se pode gardar o material para realizar as actividades que se estaban a desempeñar no pavillón vilalbés. Así, tanto os clubes, principalmente o Vilalba Básket e o Vilalba Fútbol Sala; como as escolas deportivas, terán un espazo onde depositar elementos esenciais para a práctica do seu deporte. Este almacén albergará, desta maneira, as canastras, colchonetas, porterías e demais elementos, que ata o de agora non tiñan un lugar específico para o seu coidado.

Ademais, o novo almacén servirá de espazo para o conserxe do pavillón, que non dispuña dun sitio exclusivo ata o momento.