“O proxecto empezou hai un par de meses e xa temos os primeiros doentes”, explica Camilo Prieto que destaca a importancia da práctica de exercicio físico para mellorar a fatiga oncolóxica e minimizar as secuelas da falta de movemento das persoas diagnosticadas de cancro, “un enfermo que tende a ocultarse”. “A educación física non é sinónimo de deporte. O exercicio é a polipílula, non hai mellor intervención é unha ferramenta clave”. “Saír da casa, volver á socialización” son decisivos. Igual que coidar o aspecto nutricional e os hábitos alimentarios. O estado anímico condiciona todo na nosa vida. Tamén, loxicamente, inflúe no benestar e a recuperación dos doentes de cancro. José Barcia destaca a importancia de controlar o estres tanto para a prevención como no tratamento. Cando nos diagnostican unha enfermidade como o cancro súfrese “unha especie de suma ni de emocións, é importante axudarlles a reconstruír a súa coticianidade”. Para as familias é importante “aprender a convivir coa diagnose”. Temos propostas individuais e tamén grupais, indica.