A Oficina Municipal de Voluntariado recibiu perto de 40 solicitudes para participar neste curso promovido pola Concellería de Benestar Social e Solidariedade de Ferrol

O curso de voluntariado abordará un primeiro achegamento a orixe e evolución do voluntariado, o sentido, valores, motivación e perfil das persoas voluntarias.Estudirán tamén o marco normativo do voluntariado e os ámbitos e áreas de intervención, así como as posibilidades de participación, detección das necesidades, programas, tarefas, actividades, perfil e funcións do voluntariado no acompañamento social. Finalmente, trataránse as habilidades para a comunicación e para a relación.

Dende o goberno municipal de Ferrol impulsouse o servizo municipal de voluntariado creando para este fin a Oficina Municipal de Voluntariado. A oficina é un servizo de información, asesoramento e formación a disposición de todas as iniciativas sociais que se poñen en marcha na cidade. Actúa como oficina de intermediación e colaboración entre as entidades de acción social e persoas voluntarias e viceversa. Xestiona tamén un voluntariado propio que sirve de apoio aos proxectos de intervención municipal. Para facerse voluntario basta con achegarse a este edificio social e facer a inscripción para participar nos programas de acompañamento social.