O sábado 13 os pequenos aprenderán  a traballar a gomaespuma, mentres que os contacontos serán os protagonistas do domingo 14, xa que Anxo Moure impartirá un obradoiro de creación de “árbores atrapadoras de contos”, ademais de ilustralo narrando historias do seu repertorio particular. As risas serán o leit motiv do luns 15 cos Obradoiros de Risoterapia e Sombreiros tolos. Por último, o martes de Antroido haberá tempo para traballar coa Goma eva e unha boa festa de despedida.

Os nenos deberán levar merenda os tres primeiros días. Aqueles que se queiran apuntar a estas actividades, que son gratuítas  poderán facelo na antiga cámara agraria ou chamando ao teléfono 982 50 11 08 ou tamén ao 678 744 178.