De Amor e desamor naceu na Coruña no ano 1984 co reto de mudar o rumbo da poesía galega. Os seus integrantes diferenciábanse no seu estilo e seguiron camiños diversos, pero un cuarto de século despois entenden que cumpriron o seu obxectivo común. Así o declarou a Radiofusiòn un dos fundadores do colectivo, Miguel Mato, quen entende que, tanto desde posturas rupturistas como continuístas, conseguiron aportar novas ideas á literatura do país.

A asociación cultural Alexandre Bóveda organizou durante todo o ano actividades para lembrar o vixésimo aniversario desta xeración literaria. Unha programación que ten o seu punto culminante no acto que se celebra, ás oito e media desta tarde con entrada de balde, no Teatro Rosalía.