Así, o persoal encargado dos campamentos levará a cabo diferentes xogos que faciliten o fomento da reciclaxe entre os cativos, sen esquecer os deportes como o bádminton, os xogos populares e con auga, as olimpiadas, ademais da realización de cadros de area ou un obradoiro de prensa. Outra das actividades programadas serán unha saída ao parque acuático de Cerceda e a Malpica os días 4 e 8 de agosto respectivamente. En ambos días voltarase contra as 20.00 horas.

O Campamento de verán é totalmente gratuíto e aqueles que se queiran inscribir poderano facer nos teléfonos 982 50 11 08 ou 678 744 178.