ACTUALIDADE
-
Novas
Novas sobre programas, emisoras,... Todo o mais actual e de interese nesta sección.
-
Radio á carta
Escoita online os podcasts dos teus programas favoritos de Radiofusion.
Praza Alcalde Ramón Souto s/n, 15500 Fene (A Coruña) Galicia - Tfno. 981 492 773 - noticias@radiofusion.eu
Facebook
Twitter
A Xuntanza de Gaiteiros de Fene cumpre 25 anos. A nova cita celébrase o sabado 5 de outubro nos locais de Agarimo de Sillobre- Fene- dende as 19.30h. A agrupación "Xacarandaina" da Coruña será homenaxeada nesta edición, polo intenso traballo de investigación realizado durante 35 anos a prol do noso folklore.
Bailes, traxes, canto e música conforman o traballo de campo da agrupación coruñesa, segundo o presidente da Banda de gaitas Airiños de Fene, organizadora da Xuntanza, Valentín García Modrón quen afirma que, a pesar de chegar ás bodas de prata, a XXV Xuntanza de Gaiteiros será unha máis.
Discurrirá con actuacións dos grupos de cantareiras, música e baile de Xacarandaina; coas actuacións dos grupos que conforman a Banda Airiños de Fene e, como convidado, o dúo de gaita e acordeón "Sons do Mendo". Valentín García afirmaba esta mañá que cumplir un ano máis xa é un gran avance.
O sabado 5 de outubro dende as 19,30h desenvolverase a XXV Xuntanza de Gaiteiros nos locais de Agarimo de Sillobre, o mesmo escenario do ano pasado por ser un dos de maior capacidade do concello.