ACTUALIDADE
-
Novas
Novas sobre programas, emisoras,... Todo o mais actual e de interese nesta sección.
-
Radio á carta
Escoita online os podcasts dos teus programas favoritos de Radiofusion.
Praza Alcalde Ramón Souto s/n, 15500 Fene (A Coruña) Galicia - Tfno. 981 492 773 - noticias@radiofusion.eu
Facebook
Twitter
Xosé Luís Miguélez é un gaiteiro e saxofonista de Ourense, que foi o primeiro gaiteiro titulado superior en Música Tradicional de toda a península, esta honra acadouna no 2006 despois de ser un dos primeiros en cursar esta titulación no Conservatorio Superior de Música de Vigo e de dar en novembro de 2006 o seu concerto de fin de carreira.
Ese concerto é o que se recolleu no disco “Esperanza”, un traballo adicado a súa nai, gravado ao vivo e que editou Dos Acordes.
O disco Esperanza de Xosé Luís Miguélez presenta un novo repertorio para gaita galega, baseado en composicións que van, dende a música inspirada na tradición, ata unha linguaxe máis contemporánea.
A música de Xosé Luís Miguélez concilia pasado e futuro, historia e presente, soa coma aquelas melodías que os gaiteiros interpretaban porque as aprendían dos programas da radio ou dos vinilos chegados alén do mar. Soa a emigración e a mestura, á posibilidade de facer realidade o soño dos que pedían unha evolución no mundo da tradición. O soño dos que berraban por un futuro ben diferente, aínda que co raigame preso no pasado.