ACTUALIDADE
-
Novas
Novas sobre programas, emisoras,... Todo o mais actual e de interese nesta sección.
-
Radio á carta
Escoita online os podcasts dos teus programas favoritos de Radiofusion.
Praza Alcalde Ramón Souto s/n, 15500 Fene (A Coruña) Galicia - Tfno. 981 492 773 - noticias@radiofusion.eu
Facebook
Twitter
A inelexibilidade do actual alcalde e candidato do BNG en Arzúa, Xaquín García Couso, mantense. O Tribunal Constitucional desestimou a admisión a trámite do recurso presentado pola fronte nacionalista contra a decisión da Xunta Electoral de Zona de Santiago e fíxoo porque na demanda "non se aprecia especial transcendencia constitucional".
Esta era a última instancia á que ía recorrer o Bloque para reverter a situación, polo que agora tan só lle resta que o fiscal xeral do Estado, Cándido Conde-Pumpido, presente recurso de súplica, unha circunstancia que, segundo o líder do BNG, Guillerme Vázquez, debera producirse "se é que resta algo de democracia". O voceiro nacionalista coida que o Tribunal Constitucional fixo "abandono de funcións" e non tivo "valentía" abonda para pronunciarse neste caso. Cómpre lembrar que García Couso foi declarado inelixible a instancias dunha demanda do PP na Xunta Electoral de Zona e en aplicación dun artigo da lei electoral ideado para controlar o acceso ás eleccións de candidatos vinculados á contorna terrorista. Ao rexedor arzuán atribúeselle o incumprimento dunha orde de derrubamento dun inmoble, polo que pesa sobre un el unha sentenza de "inhabilitación por desobediencia" que está recorrida. Curiosamente, a decisión da Xustiza refírese a unha irregularidade cometida cando quen gobernaba na vila coruñesa era o Partido Popular.