ACTUALIDADE
-
Novas
Novas sobre programas, emisoras,... Todo o mais actual e de interese nesta sección.
-
Radio á carta
Escoita online os podcasts dos teus programas favoritos de Radiofusion.
Praza Alcalde Ramón Souto s/n, 15500 Fene (A Coruña) Galicia - Tfno. 981 492 773 - noticias@radiofusion.eu
Facebook
Twitter
Rescatados o catro tripulantes do pesqueiro Laberco, afundido ao oeste de Monte Louro (Carnota). Foron trasladados a Fisterra pola embarcación Salvamar Regulus. Un dos tripulantes presentaba unha crise de ansiedade e foi ingresado no Centro de Saúde de Fisterra.
O Centro de Salvamento Marítimo situado en Fisterra coordinou esta mañá o rescate dos 4 tripulantes do pesqueiro Laberco, de 11,92 metros de eslora, afundido na zona dos baixos de Meixidos, ao Oeste de Monte Louro (Carnota). A Salvamar Regulus desembarcounos en Finisterre e o patrón do pesqueiro foi trasladado por unha ambulancia ao Centro de Saúde xa que presentaba unha crise de ansiedade.
O pesqueiro Laberco, con porto basee en Finisterre, comunicou ás 10.04 horas a Salvamento Marítimo que se estaba afundindo e necesitaban asistencia. De inmediato, mobilizouse o dispositivo de rescate formado pola embarcación de intervención rápida Salvamar Regulus e o helicóptero Helimer 203. Simultaneamente, emitíronse avisos ás embarcacións próximas ao lugar da emerxencia.
O pesqueiro Mari Neves informou que estaba nas inmediacións e dirixiuse a asistir ao Laberco. Lanzoulle uns cabos para tentar mantelo á boia, pero ante o risco inminente de afundimento procedeu ao rescate dos 4 tripulantes. Posteriormente, foron trasbordados á Salvamar Regulus que os trasladou a Fisterra.