A categoría masculina non tivo demasiada historia. Adam Sanjurjo manifestou o seu absoluto dominio sobre as pistas vilalbesas. O tenista non cedeu un set e tan só o finalista, Carlos Tajes, o puido poñer nalgunha dificultade. Sobre todo no primeiro set, onde foi capaz de gañar cinco xogos para rematar perdendo por 7-5. No segundo non houbo espazo para a sorpresa e rematou cun claro 6-3. Pero onde se puido comprobar a carencia de rivais e a superioridade de Sanjurjo foi nas semifinais, xa que se desfixo de Iñaki Pena por un clarísimo 6-0 e 6-2.

Non houbo moita mais disputa en féminas. Rocío Martín deixou as cousas ben claras desde o comezo. No seu primeiro partido, en cuartos de final, endosoulle dous “roscos” (6-0 e 6-0) a Silvia Piñeiro. Tampouco tivo consideración de Tamara Álvarez en semis, e a derrotou con facilidade por un dobre 6-2. Na quenda final enfrontouse a Andrea Retolaza, que viña de derrotar a Eva Villar por 6-3 e 6-3. Despois dun primeiro set apretado, resolto cun break ao seu favor, por 6-4; volveu o martelo de Martín no segundo e non deu ningunha opción a Retolaza, que caeu cun 6 a 0.

Na categoría de dobres o triunfo foi para Pena e Nogueira, que non tiveron problemas para gañar a Sabrojo e Cuenca (6-0 e 6-3) e confirmar o seu favoritismo, sobre todo despois de firmar un 6-0 e 6-1 e un 6-2 e 6-0 nos cuartos e nas semifinais respectivamente.