Cabalos e bestas da serra da Capelada conservan a memoria das peregrinaxes a Santo André de Teixido. , Unha mañá de ouro vello, preñada de luz, agardabanos no curro da serra da Capelada. Teixido sempre tivo algo de fascinante misterio, feminino e turbador. Ofreceuse o espectáculo dos aloitadores, a loita do home co cabalo. É certo que na rapa das bestas hai tensión e loita. Non é unha brincadeira, non é un simulacro, non é unha trangallada. Hai loita sí. Máis non hai humillación, non hai abuso, non hai saña. Non hai morte. En realidade é unha loita contra a morte. A celebración do rexurdir da natureza, unha vez pasada a proba dos desafíos, segundo asegura o escritor Manuel Rivas. Contan á par os seres humanos e os seres máis portentosos do monte, os fillos do vento.